Sugeng enjing Ndoroku kang minulya.
Sakmenika wonten ing manah kawula badhe nyuwun pirsa babakan kapitadosan liyan
Kawula ugi tansah ngenes ing ati sakmenika.
Sakumpamane wonten tiyang ingkang badhe pindah ing kapitadosan liyan,
Menapa niku leres lan miturut kaliyan sabda panjenengan dalem.
AnakKu, ora ono larangan menungso bakal pindah kapitadosan ing liyan,
Ning bab kang kowe kudu mangerteni yaiku
Nek imanmu saka lair wus kabebet lan kabentuk miturut kapitadosanmu,
Ugi percoyo'o tansah jero batinmu,
Gusti Allah kuwi hurip saka kapitadosanmu,
Lha nek kowe wae wus nora percoyo karo iman sik wus kaanut saka cilik,
Mbesuk kowe yo bakal dadi alaning donya,
Mula nek kowe wus pancen agomomu sik mbok tindakake saiki wus mbok imani,
Aja nganti kowe mindon gaweni golek kabecikan sing wus dibabar karo wong-wong sik arep ngajak lan ngrangket kowe supoyo melu imane wong sik nyiar agomo.
Imanana apa sik wus dadi kapitadosanmu saka lair,
Kabeh wong duwe kapercayan dewe-dewe,
Lan Gusti Allah kuwi urip ananing iman kapitadosan kuwi mau,
Mula AnakKu, saiki akeh wong srei, meri, lan anyel ndelok imanmu sik gedhe.
Maca'a iman syahadat nikea sik biasane mbok unen-unen wiwit kowe cilik,
Supoyo, Aku hurip ning kowe lan kowe hurip ning Aku.
Mangkana sabda dalemKu, ben genep anggonKu njaluk ing ngersaning PangutusKu.
Iman lan agomo kuwi sakjane dadi siji,
Telung perkoro kenopo Gusti Allah kuwi kapara dadi Telu, salah sakwijining nomer siji yaiku Sang Pangutus,
Kapindo yaiku Sing Diutus iku Aku
Kang nomer Telu iku kowe, AnakKu.
Anggonmu pasa batin lan pasa laku iso mangkane ketemu Aku,
Uwong-wong kae seneng golek alaning liyan mergo durung percoyo sapa sejatining Aku.
Mergo atine isih podho umuk, kerep nglaraning atine iman kapitadosaning liyan,
Cukup sakmana AnakKu, anggonku mbabar bab kapitadosaning imanmu.
Percoyo'o opo sik dadi iman kapitadosanmu, ngakeni opo sik dadi tobatmu.
Duh Ndoroku, kawula sampun madhep ing Panjenengan namung kula radha kuwatos
Kaliyan iman kapitadosaning sedulur ing bumi pertiwi menika amarga kathah tiyang ingkang gadah ati umuk
Menika sedaya sanes urusaning kawula,
Kula tak mendel kemawon lan tetep ngakeni ing Panjengan Dalem ugi kasebut syahadat dawaning Nikea
